أخبار الشعب / طارق حبيب
عون سلطة برتبة “شيخ” كان واقف أمام مدرسة للتعليم الخصوصي فإنتظار الإبن ديالو يخرج من المؤسسة المتواجدة بتجزئة رياض الساحل ، مساء يوم الثلاثاء 11/06/2024، هو يسمع صراخ إمرأة و الزوج ديالها كاتصرخ و كاتقول ” شفااار وااا شفار فداري آعباد الله” ، هو يْتَّاصَل فورا برئيسه قائد المنطقة ، هو يحضر على وجه السرعة لعين المكان، بعد إتصاله برجال الدرك.
المنزل اللِّي كان غادي يتسرق تعود ملكيته لمواطن مغربي مقيم بالديار الإيطالية، و تمت معاينة كلُّ المحتويات الموجودة فالمنزل لِكَانْ ” اللص” ينوي سرقتها، وكذلك معاينة “بينسة”‘ اللِّي تم إستعمالها لكسر باب السطح العلوي للمنزل ، ومعاينة أي حاجة إستعملها السارق باش هرب منين حصلوه لأنه للأسف هرب من نفس الوجهة التي دخل منها للمنزل
المرأة صرحات أنها منين فتحات باب المنزل هي وراجلها للدخول، تفاجؤو بسماع صوت “تقرقيب” داخل المنزل و هو يبان ليهم “اللص” كان مشغول في جمع المسروقات بكل أريحية بحلا الدار ديالو ، كان خاصو غير يْعَمَّرْ شي براد “أتاي مشحر” يَتْنَشْوَا بيه أثناء جمع المسروقات..
الله يجازيكم بخير حضيو راسكم راه المنزل الثاني لي تعرض للسرقة بنفس الحي هاذ الأسبوع….
والناس لي غادي تمشي تشري الحولي حضي راسك فالرحبة راه كايستغلوا بحال هاذ الفرص ، شحال من واحد مسكين صدموه.
الله يأخد الحق …