اخبار الشعب /
السلام عليكم
هاد الرسالة كنوجهوها لأي شخص في قلبو ذرة ديال الإنسانية .
بإذن الله نحن على أبواب شهر رمضان المبارك ، من المميزات ديال هاد الشهر من غير أنه شهر العبادة و المغفرة …. هاد الشهر كجمع العائلات في الفطور ولا الصلاة …،اذن أي واحد فينا كتمنى ادوز هاد الشهر مع ولديه و خوتو و عائلتو ، و كاين للأسف غيدوزو بدون شخص ما حيت اقدر اكون هاد الشخص مات رحمه الله ، الحاجة لي كنطلبو منك كقارئ لهاد المنشور هو تعاون مع هاد الشاب باش حتى هو ادوز رمضان مع عائلتو فرحانين و سعداء .
هاد الشاب اسمه سعيد ولد درب الإستقلال الحي المحمدي الدار البيضاء ، كعاني من مرض القلب منذ طفولته بحيت كان قام بعملية على القلب بمساعدة جمعية خيرية ملي كانت عندو 7 سنوات ، و الآن بعد تفاقم المرض سعيد خاصو عملية كبر من الأولى لا من ناحية الخطر ولا من ناحية التكلفة ،
لحد علمنا الآن هاد العملية كتقام ب 60 مليون سنتيم (عملية إستبدال القلب ) و عائلتو بسطاء على قد الحال ، المطلوب منا حنا كشعب كنحسو ببعضنا البعض هو نتعاونو معاه باش ما كان ، كل واحد فينا اعطي على قد جهدو و الرزاق الله
و حتى لي معندوش اعونو غير بالبارطاج باش توصل الرسالة لأكبر عدد ممكن . و الله لا يضيع آجر المحسنين .
رقم هاتف سعيد : 0657462094