أخبار الشعب / رضوان طريقي
شهد مركز جماعة تازارين بإقليم زاكورة، يوم الأربعاء 21 يناير 2026، محاولة فاشلة لاختطاف طفلة صغيرة من طرف شخص مجهول.
وحسب شهادات متطابقة، تدخلت سيدة في الوقت المناسب وتمكنت من تخليص الطفلة، بينما لاذ المشتبه فيه بالفرار بعد فشله.
الواقعة خلّفات قلقاً وسط الساكنة ومطالب بتعزيز المراقبة وحماية الأطفال.
الصورة للتعبير فقط.
تنبيه وتوعية للآباء والأمهات:
باش نكونو كاملين فالحذر وبلا تهويل، كنطلبو من الجميع ياخدو الاحتياطات التالية:
ما نخليوش الأطفال يمشيو بوحدهم خصوصاً فالصباح/العشية.
نتافقو مع ولادنا على “كلمة سر” ديال العائلة (إلا جا شي واحد كيقول: “ماما/بابا صيفطوني”).
ما يركبوش مع أي واحد ما كيعرفوهش، وما يقبلو حتى هدية من الغرباء.
إلا حسّو بالخطر: يمشيو لأقرب محل/مقهى/إدارة/حارس ويعيطو بصوت عالي.
كتبو رقم الهاتف واسم وليّ الأمر فبطاقة صغيرة وخليوها فجيبهم.
إلى شي واحد شاف شي حاجة مشبوهة أو عندو معلومة، يبلّغ السلطات فوراً.
اللهم احفظ ولادنا كاملين.
