✍️..صدى الكلمات.. كيف الحياة من بعدك..!!؟؟

MOSTAFA CHAAB14 أغسطس 202210 مشاهدةآخر تحديث : الأحد 14 أغسطس 2022 - 11:20 مساءً
MOSTAFA CHAAB
فن وثقافة
✍️..صدى الكلمات.. كيف الحياة من بعدك..!!؟؟

 

اخبار الشعب /

✍️..صدى الكلمات..
كيف الحياة من بعدك..!!؟؟
يهديها لكم..
صديقكم خالد بركات..

أعمل لدنياك كانك تعيش ابداً..
وأعمل لأخرتك كانك تموت غداً..

قصر النظر وبعد النظر بيعطونا عبر..
ولكن العبرة لمن اعتبر..

حابب تعرف الدنيا كيف عاملة من بعدك..؟؟
بسيطة..ما تزعل عا شي، وشوفها من بعد غيرك.
حتلاقي البقال بيفتح عادي، والناس بتخرج لشغلها الصبح، اللي بيحب النوم هيكمل نومه ببساطة، والبورصة شغالة والمحطات عليها زحمة، والفرن شغال والناس واقفة بالصف، وريحة الأكل بالبيوت متل ما هيي، والعزايم والولايم ما بتوقف، والفنادق محجوزة، وليالي السهر عمرانة، وطقش وفقش، واغاني وكليبات..
وتكمل بوستات الفيس والترندات،وخناقات عالممثلين والسياسيين وعالأديان والأحزاب، وفضايح مشاهير وتيك توك ومباراة فوتبول وانتخاب ملكات جمال ،ومكملة برامج سياسية، ومسلسلات تركية، وهندية، وانتاجات محلية، كفيلين يمحوك من ذكريات ناس كنت مفكرها أقرب الأقربين،وحتى صورتك بتنشر يوم والتاني على الفايسبوك والتواصل الإجتماعي وخلاص شكرًا يا احباب أزعجناكم فينا..
وعنا بتذكر لما كنا صغار صارت نكتة، وصل وفد يقدم واجب تعزية ولاقى أهل الفقيدة بيضحكوا تفاجئوا ،قالولهم اولادها الوالدة موصية نضلنا نضحك، والتاني وزع مشروب قال الوالدة موصية،وما بتعرف انت شو بتطلع موصي..!!؟؟
إذا مرضت كتير بيقولوا شو عامل بحياته..
وإن مت فجأة بيقولوا نيالوا على هالموتي..
تذكر هون الناس بتبكي شوي عا فراقك بموتك
وبتاني دنيا ناس عمبتضحك فرح عا مولدك..
وبالمأتم متل بعضها لو بعد ساعة النسوان تقول وتحكي لبعضها فلانة شو نصحانه وفلانة كيف لابسة، ولو ترتب حالها شوي ، وفلانة من وين جايبي هالمصاري ليجخوا هيي وزوجها..
والرجال بيحكوا سياسة وتحليلات، وبيطلعوا مين اجى شخصيات وشو نحكى كلمات ورثاء..
ولأسبوع بيبقوا يضوولك شموع عامدفنك،يمكن عا ذكرى السنة بيتجمعوا قرايب وحبايب بيبكوا
وبيقولوا الدني فانيه وكل مين عليها فاني..

وبقلك بتفتكر هي الدنيا مستاهلة..؟؟!!
فلو حليت بإمتحان مزعج، أو صديق دق دقة ناقصة معك، أو جارك تناسى الأمانة والجيرة، كرمال حديقة والدار ،كمل وما تفرق معك..
مادام بترضي ربنا، عيش بطريقتك ودماغك..
كل واشرب إللي يعجبك، واللبس اللي تحس إنك مرتاح فيه هاته حتى ولو اللون مش ملايمين
ما تراقب نظرات الناس الك شكلها عامل كيف..
لأنو صدقني هيك وهيك هتموت من الهم والغم، والناس اللي انت عشت لترضيهم سنين هتنساك بعد موتك بيوم أو إتنين، كرمال هيك ما تزعل..
وبكل أمانة..لو علمت السرعة التي سينساك الناس فيها بعد وفاتك لن تبالي بأحد..

ولا تنسى دائماً تصلي وتقول ” وإن كان لقائي بكَ قد إقترب، فارزقني خاتِمة حَسِنة يا الله “

اترك تعليق

لن يتم نشر عنوان بريدك الإلكتروني.


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق