أخبار الشعب / هيئة التحرير
الضريبة بطريقة السلب والخطف
فاش المواطن تيكون تيشد واحد المبلغ مالي كتقاعد على خدمة قام بها في شبابو وفي اوج العطاء ديالو،هاذ السنة تيتفاجأ بأنه الضريبة وبدون سابق إنذار تتاخذ الضريبة الراتب الشهري ديالو وخلاتو الله كريم هاذ المشرفين على قطاع الضرائب واش مغاربة واش عايشين معانا في المغرب؟؟ واش عارفين ان المواطن المغرب مبقاش عندو ما يدخر وان الراتب الشهري يالاه يكفيه لضروريات الحياة اما الكماليات فهو استغنى عليها منذ زمن طويل،نرجعو لنهايات العام الفايت الدولة خرجات قانون تيلزم على المغاربة يوضعو فلوسهم في البنكة،هاذ العام بدا الاستخلاص الضريبي يعني غير بطريقة ذكية قدرو يوضعو للمغاربة فخ باش يقولو ليهم فلوسكم غدا تمشي في الضريبة المشكل الأكبر ان البنكة ولات تتصرف في اموال الناس ورواتبهم وتعطيهم لقطاع الضريبة دبا شكون عطا الحق للبنكة تدير هاذ الاجراء واش في القوانين ديالها كاين هاذ الحق دبا اللي عطا الله عطاه والمغاربة مبقا عندهم مايديرو ولكن لعل وعسى نلقاو شي وجه الخير يشرح لينا هاذ الضريبة اللي بين عشية وضحاها ولات تتدي لينا رزقنا بالمساعدة ديال الأبناك وتيبان ليا أنه غادين نرجعو لطريقة جدودنا ونوليو نخبيو فلوسنا تحث الزليجة والغبير الظهير وفلوسنا نتصرفو فيها كيف بغينا…
للمعلومة فقط : المعاشات خاصها تبقى محمية للصحابها راه فناو شبابهم باش فشيبهم يرتاحوا ماشي يتمحنوا ….
