أخبار الشعب /
سؤال ماشي بريء هاد المرة… بل سؤال الساكنة كاملة :
– أش واقع فحد السوالم والنواحي…؟
واش بعض السياسيين لي وضع المواطن الثقة باش يدافعو عليه ولاو كيشوفوا السياسة باب للوساطة…باب لقضاء الأغراض.. باب لتبادل المصالح…؟
السياسي الدور ديالو هو الترافع على قضايا الساكنة والدفاع على المصلحة العامة.
أما إلى ولات السياسة غير مكالمات و وساطات و وعود انتخابية… فهنا خاص الساكنة تفيق و تعيق و تعرف بأن الإختيار ديالها خاصو يكون عن قناعة ماشي قال لينا السي فلان ولا فرتلان… البرقية مفهومة
حد السوالم سيدي رحال والنواحي ما محتاجاش سماسرة سياسيين ولا أصحاب النفوذ… محتاجة منتخبين عندهم الجرأة النزاهة و الضمير و يخدمو المواطن ماشي مصالحهم.
واللي عندو ما يجاوب، الباب مفتوح… الساكنة كتسول ومن حقها تعرف الحقيقة.
