أخبار الشعب /
سواد لقلوب
ما يخلعني ليل.. وخا يطول ظلامو
الليل عندو ميعاد، وتغرب أيامو
وما يخلعني سحاب.. وخا يغمام علامو
الريح كيديه، وتصفي مـقامو
أنا اللي يخلعني.. سواد لقلوب
حيت لغدر فيها، محال يتوب
قلب كحل من لداخل، وما صاب عيوب
عايش فالضلمة، وكيغطي لذنوب
سواد ليل، يتبعه نور الفجر يبان
يضوي لمدينة، وتزهى بيه لغصان
تشرق شميسة، وتفرح كل عين واللسان
وتغرد لطيور، وتنسينا فلي كان
ولكن سواد لقلوب.. فجرو فين غيطل؟
محبوس فالحقد، وعقلو ديما حصل
لا سماحة لا رحمة، وخا تعطيه لعدل
كيزرع الشوك، ويحصد غير لخل
يا ربي صفي لقلوب، واجعلها بيضا حليب
ما فيها غل، لا حقد.. ولا عيب قريب
خلي الود فينا، والكلمة ديما نصيب
باش يضوي نهارنا، ونعيشو فحب عجيب.
محمد شيوي
